Non quaero abs te¹, quare patrem Sex. Roscius occiderit, quaero, quo modo occiderit. Ita quaero abs te, C. Eruci, quo modo, et sic tecum agam², ut meo loco vel respondendi vel interpellandi³ tibi potestatem faciam vel etiam, si quid voles, interrogandi. Quo modo occidit? ipse percussit an aliis (ad) occidendum⁴ dedit? Si ipsum arguis, Romae non fuit; si per alios fecisse dicis, quaero, servosne an liberos?

(CICERÓN. Pro Sex. Roscio XXVII, 73)