Agit hominibus gratias¹ et eorum benevolentiam erga se² diligentiamque collaudat³. Ipse inflammatus scelere et furore in forum venit. Ardebant oculi: toto ex ore crudelitas eminebat. Exspectabant⁴ omnes quo tandem progressurus aut quidnam acturus esset. cum repente hominem proripi atque in foro medio nudari ac deligari et virgas expediri iubet. Clamabat ille miser se civem esse Romanum, municipem Consanum; meruisse cum L. Raecio, splendidissimo equite Romano, qui Panhormi negotiaretur, ex quo haec Verres scire posset.

(CICERÓN. In Verrem LXII)