Bona opinio hominum tutior pecunia est
Citius venit periculum cum contemnitur
Decima hora amicos plures quam prima invenit 
Fortunam citius reperias quam retineas
Multa ignoscendo fit potens potentior
Qui bene dissimulat citius inimico nocet
Superari a superiori pars est gloriae
Amico firmo nihil emi melius potest
Consilio melius vincas quam iracundia
Iniuriam aures facilius quam oculi ferunt
Iniuriam facilius facias quam feras 
Nusquam facilius culpa quam in turba latet
(PUBLILIUS SYRUS. Sententiae.)