Humana ante oculos foede cum vita iaceret               62
in terris oppressa gravi sub religione,
quae caput a caeli regionibus ostendebat
horribili super aspectu mortalibus instans,               65
primum Graius¹ homo mortalis tollere contra
est oculos ausus primusque obsistere contra;
quem neque fama deum nec fulmina nec minitanti
murmure compressit caelum, sed eo magis acrem
inritat animi virtutem, effringere ut arta               70
naturae primus portarum claustra cupiret.
(LUCRECIO. De Rerum Natura, I, 62)